Bietschhorn Blues

Was chunnt use, wenn me e pensionierte Ingenieur, e passionierte Blüsler und e angehendi Multimedia Producerin mischt?

Richtig. Ganz viu Zyt, ganz viu Musig und nume sehr wenig Nachbearbeitig.

Di schöni Musig, wo mi Vatter macht, ufgnoh mitemne iPhone 5 und ursprünglech nid für d Ussewäut bestimt, wotti iz gliich mit aune teile.

Mi Vatter fingt iz mit 68 langsam d Zyt zum Musigtheorie aluege – nach Note spile oder Note scho nume läse hetter nämmlech eigentlech nie glehrt. Gspiut hetter aber irgendwie scho immer.

Das wo dir hier ghöret, isch aues mit der gröschte Liechtigkeit improvisiert. Bis uf z Stück ganz am Afang, wo eigentlech es Elvis-Originau isch. Gniessets. 🙂

Wiso Bietschhorn Blues? Wiu teu Stück würklech mit Ussicht uf z Bietschhorn si gspiut und ufgnoh worde. Wär guet härelost, ghört im Hingergrund mängisch fasch echli der Bärg chüschele. 😉

Leave a Reply

Your email address will not be published. Required fields are marked *